_Ég er  saxófónleikari og lagasmiður. Útskrifaðist frá tónlistarskóla F.Í.H. vorið 2005 og sama ár kom út diskurinn Tónar, með eigin tónsmíðum. Lag af þeim diski, "Ég leitaði þín", var tilnefnt til Íslensku tónlistarverðlaunanna í flokknum Tónsmíðar ársins/djassflokki - 2005

Árið 2006 stofnaði ég ásamt fleirum hjómsveitina Bonsom.
Okkar fyrsta verk var að hita upp fyrir stórstirnið Kurt Elling á Djasshátið Reykjavíkur í Háskólabíói. Ári síðar gáfum við út diskinn Bonsom og var samnefnt lag mitt af honum tilnefnt til Íslensku tónlistarverðlaunanna í flokknum Tónsmíðar ársins/djassflokki - 2007.

Ásamt því að spila mína tónlist í eigin hljómsveitum hef ég fengið að njóta þeirrar gæfu að spila með fjöldanum öllum af frábærum tónlistarmönnum, bæði innlendum sem erlendum.